Əlilliyi olan gənclərin ilk teatr tamaşası

“ƏSA” teatrı Xəzər Universitetində “DUMB Mərhələsinin Əsası” tamaşasının premyerasını keçirib.

Teleqraf.com xəbər verir ki, “psixo-dram” janrında qurulmuş tamaşa bir insan həyatının müxtəlif mərhələlərindən bəhs edib. Belə ki, bütün həyatını aldığı travmadan qurtulmağa həsr edən və yanlış istiqamətlənən, atdığı hər addımda vəziyyətini daha da çətinləşdirən qəhrəman bütün günahları ətrafında baş verən hadisələrdə və şəxslərdə görür.

Tamaşanı Fərid Kazakov, Orxan Adıgözəl, Murad Məmmədov, Elvin Mirzəyev və Nihad Qulamzadə ifa edib.

Xatırladaq ki, “ƏSA” teatrı 2016-cı ilin sentyabr ayının 3-də yaranıb və əlilliyi olan aktyorlardan ibarətdir.