“Xaç atası”nın Azərbaycan variantı çəkildi - Komediya janrında

“Xaç atası” filminə parodiya olan “Don Marleone” adlı komediya filminin tizeri yayımlanıb.

Teleqraf.com xəbər verir ki, filmin rejissoru Kapoeyra federasiyasının vitse-prezidenti Elmar Bayramov, ssenari müəllif Rəşad Süleymanovdur.

Filmin çəkilişi Azərbaycanda müxtəlif məkanlarda, eləcə də İtaliyada keçirilib.

Action və triller janrında çəkilmiş bu film məhşur “Xaç atası” filminə parodiya olduğu üçün komedik elementlərlə də zəngindir. İstehsalçılar filmi belə xarakterizə edirlər:
“Bəzən ətrafda baş verən hadisələr reallıqdan çox filmə bənzəyir. Özü də əsrin əvvəllərində Amerikada dəbdə olan qanqsterlərin həyat tərzini əks etdirən bir filmə.

Ətrafdakı haqsızlıqlar o illəri, haqsızlığı törədənlər isə o zamanın mafioz aləminə satılmış cinayətkarları xatırladır. Bəzən insan bütün bunlara qarşı mübarizəyə qalxıb özünü "Xaç atası" filmindəki qəhrəmanlara bənzətmək istəyir. Bütün bu sadalananlar insan xəyalında bəzən o qədər canlanır ki, artıq nəyin xəyal, nəyin həqiqət olduğu unudulur”.

Filmdə baş rolda "Best Model of the World 2007" yarışmasının qalibi Rüstəm Cəbrayılov, rollarda Natəvan Əfəndiyeva, Sain Fərhad, Murad Abdullayev və digərləri çəkilib.

Pərvin