“Nar bağı”nın dünya premyerası – Beynəlxalq festivalda

İlqar Nəcəfin “Nar bağı” bədii filmi “Karlovi Vari” Beynəlxalq Film Festivalına dəvət alıb.

“Azərbaycanfilm” kinostudiyasından Teleqraf.com-a verilən məlumata görə, yeni ekran əsərinin dünya təqdimatı festivalın “Qərbin Şərqi” müsabiqə proqramında keçiriləcək.

“Azərbaycanfilm” və “Buta film”in birgə istehsalı olan “Nar bağı” proqramın açılış filmi olaraq təqdim ediləcək. Festival 30 iyun-8 iyul tarixlərində Çexiyada baş tutacaq.

Filmin ssenari müəllifləri Asif Rüstəmov, İlqar Nəcəf, Roelof Jan Minnebu, quruluşçu rejissoru İlqar Nəcəf, quruluşçu operatoru Ayhan Salardır.

Baş rolları Qurban İsmayılov, İlahə Həsənova, Səmimi Fərhad, Həsən Ağayev və digərləri canlandırırlar.