Niyazinin xatirəsinə həsr olunmuş - “Açıq qapı”

Tanınmış musiqi xadimi, maestro Niyazinin vəfat günü “Açıq qapı” keçiriləcək.

Teleqraf.com xəbər verir ki, bu münasibətlə Azərbaycan Dövlət Musiqi Mədəniyyəti Muzeyi və Niyazinin mənzil-muzeyinin kollektivi Fəxri Xiyabanda maestronun məzarını ziyarət edəcəklər.

Niyazinin mənzil-muzeyində avqustun 2-dən start götürəcək “Açıq qapı” günü çərçivəsində qonaqlara maestro haqqında sənədli filmlər, onun konsertlərindən, “Rast” muğam-baleti və “Çitra” baletindən videogörüntülər təqdim olunacaq.

Niyazi 1984-cü il avqustun 2-də dünyasını dəyişib.