Azərbaycanlı “Qara adam” Türkiyəyə gedir

Müstəqil “Human” teatrı Türkiyənin Bartın şəhərində keçiriləcək “11-ci Türkiyə teatrlar görüşməsi-2017” teatr festivalında iştirak etmək üçün yola düşüb.

Tamaşanın tərtibatçılarından olan Sürayə Əziz Teleqraf.com-a açıqlamasında bildirib ki, teatr festivala, Sergey Aleksandroviç Yeseninin “Qara adam” poeması əsasında hazırlanmış “Anqleter 1925” psixoplastik vəhy-mono tamaşası ilə qatılacaq.

Tamaşanın rejissoru Şamil İbrahimov, plastik həll üzrə rejissoru teatrın bədii rəhbəri, əməkdar artist Pərviz Məmmədrzayev, musiqi tərtibatçısı Sürayə Əzizdir.
32-dən çox teatrın qatıldığı festivalda, 16 təlimçi və 10 ustad dərsləri arasında “Human” teatrının bədii rəhbəri Pərviz Məmmədrzayevin “bədən dili və aktyor oyunu” adlı ustad dərsi də yer alacaq.