Rusiyanın qızıl səsi ad gününü Bakıda keçirəcək

Rusiyanın “qızıl səsi”, xalq artisti Nikolay Baskov ad gününü Bakıda möhtəşəm konsertlə qeyd edəcək.

Teleqraf.com xəbər verir ki, konsertin təşkilatçıları musiqi gecəsinin oktyabrın 15-də “Baku Crystall Hall”da olacağını açıqlayıblar. Unikal, parlaq və möhtəşəm yubiley şousu “Oyun” adlanacaq.

Müğənninin pərəstişkarlarını irihəcmli dekorasiyalar, fantastik kostyumlar, unudulmaz səhnə effektləri gözləyir. Proqrama onun hamı tərəfindən sevilən məşhur hitləri ilə yanaşı, tamamilə yeni kompozisiyaları da daxildir.