Teatrda döyülən aktyorun direktoru nazirliyə çağırıldı

Bir neçə gün əvvəl İrəvan Dövlət Azərbaycan Dram Teatrında baş vermiş hadisə ilə bağlı direktor İftixar Piriyev Mədəniyyət və Turizm Nazirliyinə çağırılıb.

Bu barədə Teleqraf.com-a teatrın əməkdaşı məlumat verib.

Direktorun hazırda nazirlikdə olduğu bildirilir.

Teatrın əməkdaşları nazirlikdəki görüşdən sonra hansı qərarın alınacağı barədə məlumat gözləyirlər.

Qeyd edək ki, sentyabrın 13-də İrəvan Dövlət Azərbaycan Dram Teatrının direktoruna qarşı sosial şəbəkədə yazılanları bəyənib paylaşdığı üçün aktyor Elçin Hacılı ilə digər işçilər arasında dava düşüb. Elçin Hacılı kəllə-beyin travması ilə xəstəxanaya yerləşdirilib.

Teatrın digər əməkdaşı Əjdər Zeynalov da direktorun özbaşınalığından şikayətlənib.

Mədəniyyət və Turizm Nazirliyi teatrda araşdırma aparır.