Akademiyaya Rusiya mütəxəssisi gəldi - Foto

Rusiya Dövlət Teatr Sənəti İnstitutunun baletmeyster fakültəsinin dekanı, xoreoqrafiya kafedrasının professoru Vitali Axundov Bakı Xoreoqrafiya Akademiyasının qonağı olub.

Teleqraf.com xəbər verir ki, Akademiyanın rektoru, professor Timuçin Əfəndiyev qonağı qəbul edib, tədris olunan ixtisaslar, beynəlxalq əməkdaşlıq, tələbələrin müxtəlif beynəlxalq festivallarda, müsabiqələrdə iştirakı və uğurları haqqında ətraflı məlumat verib. Gələcək əməkdaşlıq və perspektiv yaradıcılıq layihələri müzakirə olunub.

Görüşdə Bakı Xoreoqrafiya Məktəbinin məzunu olan Vitali Axundov dünya klassik rəqsinin, balet və müasir rəqsin vəziyyətindən danışaraq qeyd edib ki, klassik irsə müdaxilə etmək düzgün deyil, amma müasir tendensiyalar mütləq nəzərə alınmalıdır.

Vitali Axundov akademiya tələbələri üçün ustad dərsləri keçib. Duet rəqsi, və klassik rəqsin metodika və kompozisiyası üzrə ustad dərsləri böyük maraqla qarşılanıb.

Azərbaycan və Rusiyanın əməkdar artisti olan Vitali Axundov rus balet teatrının art direktoru, duet, klassik rəqsin, metodika və kompozisiyası üzrə bir neçə əsərin müəllifi və bir çox beynəlxalq müsabiqələrin laureatıdır.