Aşıq Vüqar dəfn edildi - Foto/Yeniləndi

08:41

Aşıq sənətinin tanınmış nümayəndələrindən olan Aşıq Vüqar Mahmudoğlu bu gün səhər saat 6 radələrində dünyasını dəyişib.

Bu barədə Teleqraf.com-a aşığın yaxınları məlumat veriblər.

Bütün səylərə baxmayaraq, 2 gündür reanimasiyada saxlanılan aşığın həyatını xilas etmək mümkün olmayıb.

Qeyd edək ki, Aşıq Vüqar Mahmudoğlu 1970-ci il noyabrın 3-də Şamaxıda doğulub. Şirvan aşıq sənətinin məşhur ustadlarından olan Aşıq Mahmud Ələsgəroğlunun ilk övladıdır.

Xatırladaq ki, Aşıq Vüqar Mahmudoğlu ifarkt keçirib.

Qalanları sağ olsun!

***

09:45

Yaxınlarının verdiyi məlumata görə, Aşıq Vüqar Mahmudoğlu doğma yurdunda - Qobustan rayonunun Şıxzahırlı kəndində dəfn ediləcək.

Vüqar Mahmudoğlu Abşeron rayonunun Müşfiqabad qəsəbəsində yaşayırdı.

***

Aşıq Vüqarın cənazəsi Qobustan rayonunun Şıxzahırlı kəndinə aparılıb.

Mərhumu Müşfiqabaddakı evindən sənət dostları saz musiqisinin sədaları altında çıxarıblar.

Aşıq Vüqar doğulduğu Şıxzahırlı kəndinin qəbiristanlığında torpağa tapşırılacaq.

***

Aşıq sənətinin tanınmış nümayəndələrindən olan Aşıq Vüqar Mahmudoğlu doğulduğu Şıxzahırlı kənd qəbiristanlığında dəfn edilib.

Qeyd edək ki, mərhumun yas mərasimi Müşfiqabad qəsəbəsində keçiriləcək. Üç mərasimi yanvarın 12-də olacaq.