"Cavid ömrü" filminin nümayişi olacaq

“YARAT” film klubu çərçivəsində oktyabrın 23-də “Cavid ömrü” filmi nümayişi olacaq.

Teleqraf.com xəbər verir ki, filmin rejissoru, Xalq artisti Ramiz Həsənoğludur.

Azərbaycanın görkəmli dramaturqu, 37-ci il repressiyalarının qurbanı Hüseyn Cavidin həyatının ən yaddaqalan məqamları, qəddar rejim qarşısında baş əyməyən ədibin və onun ailə üzvlərinin faciəsini əks etdirən filmə Cavidin ən məşhur pyeslərindən parçalar üzvi şəkildə daxil edilib.

Film rejissor və yaradıcı heyət tərəfindən təqdim ediləcək.