4 Dekabr 16:27
682

Xərçəng xəstəliyinə qalib gələn aparıcı-vəkil Zülfiyyə Bayramova "Bizimləsən" verilişinə qonaq olub.

Teleqraf.com-un məlumatına görə, aparıcı bildirib ki, xəstəliyi üçün ona yardım etmək istəyənlər olsa da qəbul etməyib: "Ölümlə qarşılaşdım, heç kimdən işim keçmədi. Zaur hər gün gəlirdi deyirdi ki, müalicənin yarı pulunu verim. Bir dərmanım var, xaricdən gəlir, bahadır. Hər gün deyirdi ki, onun pulunu verim. Dedim, yox. Hər həftənin 7 gününü işləyir. Gəlim ona qabırğa olum ki, maaşının yarısını mənə ver?

Vicdan deyilən bir şey var. Onun sözü mənə bəs idi, köməyi qəbul etmədim. Onun maaşı övladının haqqıdır.

Övladlarıma təşəkkür etmirəm, boyunlarının borcudur. Amma Samir Qulamovla Vüqar Təhməzov mənə başqa cür yardım etdilər. Gördülər heç kimdən yardım qəbul etmirəm, zəng etdilər ki, uşağınızı göndərin, kinoya çəkək. Mənə o, anda ən çox nigaran qaldığım tərəfdən kömək etdilər. Bu mənə o qədər böyük dəstək oldu!

Xərçəng mənim bacımı alıb. Mən də onun qisasını aldım. Eşitdiyim gündən dedim ki, sən məni öldürməyəcksən, sənə qalib gələcəm".

Qeyd edək ki, Zülfiyyə mədə xərçəngindən əziyyət çəkirdi.


Müəllif: Yalçın Uğur
Загрузка...