"Ocaq" ilk buraxılışını Müslüm Maqomayevə həsr etdi

Estoniyanın R4 radiosunda rus dilində efirə gedən “Ocaq” verilişi oktyabr ayındakı ilk proqramını dünya şöhrətli Azərbsaycan müğənnisi Müslim Maqomayevə həsr edib.

Verilişin redaktoru Sənəm Əliyevanın dediyinə görə, artıq 3 ildən çoxdur ki, efirdə olan proqramın ünvanına gələn məktubların əksəriyyətində məşhur müğənni haqqında veriliş eşitmək istəyi ilə müraciət edən dinləyicilər yüzlərlədir. Verilişin aparıcıları Sənəm Əliyeva və Anara Axundova geniş dinləyici kütləsinin istəyini nəzərə alaraq oktyabr ayının ilk buraxılışında Müslüm Maqomayevin həyat və yaradıcılığından söhbət açıb, onun təkrarolunmaz mahnılarını səsləndiriblər.

Bu veriliş barədə anons R4 radiosunun dalğalarında bir neçə həftə əvvəlcədən yayımlanıb. Veriliş geniş dinləyici kütləsi tərəfindən çox böyük maraqla dinlənilib.