Əli Kərimin seçilmiş əsərləri yeni variantda

“Şərq-Qərb” nəşriyyatında görkəmli Azərbaycan şairi Əli Kərimin seçilmiş əsərlərinin II cildi çapdan çıxıb.

Teleqraf.com “Şərq-Qərb” nəşriyyatına istinadla xəbər verir ki, bu cildə şairin nəsr əsərləri – məqalələri, müsahibəsi, hekayələri, pyesləri, “Mavi nəğmənin sahilində” povesti və “Pillələr” romanı daxil edilib.

Əli Kərimin nəsr əsərləri ilk dəfə bir kitab halında oxuculara təqdim edilir. Burada şairin indiyədək işıq üzü görməmiş əsərləri də vardır.

Kitabın tərtibçisi və redaktoru, mərhum şairin öz oğlu, filologiya elmləri doktoru Paşa Əlioğludur.

NİGAR