Azra Akın Bakıda - FOTO

Oktyabrın 16-dan Nizami Kino Mərkəzində yeni fimlərin nümayişi başlanılır.

Kino Mərkəzindən Teleqraf.com-a verilən məlumata görə, artıq “Hakim”, “Qəbirlərarası gəzinti”, “Arvadımı oğurla” və “Çilek”, “Azazil düğüm” türk filmlərinin nümayişinə start verilib.

Skott Frenkin ekranlaşdırdığı “Qəbirlərarası gəzinti” filmi triller, kriminal dram və dedektiv janrındadır. Keçmişdə Nyu-York polisində çalışmış və hazırda lisenziyası olmayan, içki düşkünü detektiv Mettyu Skadder, yerli narkobaronların birindən arvadının qaçırılması və vəhşicəsinə qətlə yetirilməsi ilə bağlı araşdırma aparmaq təklifini alır. Bu araşdırmanın onu hara aparacagını Skadder hələ ki, bilmir...

“Arvadımı oğurla” filmində isə həbsdən azadlığa yeni çıxan Ordell və Luis çoxlu pul qazanmq məqsədi ilə bölgənin ən zəngin adamlarından olan Frenk Davsonun arvadını qaçırırlar. Frenk üçün arvadı Mikinin qaçırılması göydən düşmə olur. Qadın onu oğurlayan adamlarla əlbir olub ərindən intiqam almaq qərarına gəlir.

“Hakim” filmini dram janrını sevənlər maraqla izləyəcəklər. Vəkil Hank Palmer illər keçdikdən sonra anasının dəfni ilə bağlı, doğulub böyüdüyü şəhərə gəlir. Anasının cinayət nəticəsində həyatını itirdiyini və bu işdə alsheymer xəstəsi olan atasının əli olduğundan şübhələrin olmasını öyrənən Hank, şəhərdə yubanmaq qərarına gəlir. Bu, ona qohumlarını daha yaxından tanımaq fürsətini verir. Filmdə Robert Dauni, Vera Farmiqa və başqaları çəkiliblər.

“Çilek” filmi dram, macəra janrındadır. Filmdə baş rollara İlker Aksum, Halil Sezai Paracıkoğlu, Azra Akın çəkiliblər. Azranın canlandırdığı Çilək adında qızın arzusu qəsəbədən İstanbula getmək və orda məhşur müğənni olmaqdır. Onu uşaqlıqdan sevən Kaanın arzusu isə Çileke eşqini elan etməkdir. Bir gecə onların yolu Çilekin sevgilisi Hayrinin barında kəsişir. Onlar bir-birilərinin xəyallarını gerçəkləşdirmək üçün, başlarına gələ biləcək macəraları gözə alıb İstanbula qaçırlar.

Son film qorxu və şiddət janrında çəkilən “Azazil düğüm”dür. Filmdəki rollara istedadlı gənc aktyorlar Cansu Diktaş, Tolga Akman, Nurten İnan, Zafer Altun’a və başqaları çəkilib.

Nərmin