Arif Quliyevin həkimi danışdı: "Vəziyyəti ağırdır"

"Yeni klinika"ya yerləşdirilən xalq artisti Arif Quliyevin həkimi aktyorun səhhətindəki son durum haqqında məlumat verib.

Reanimatoloq Emil Qasımov Teleqraf.com-a açıqlamasında xalq artistinin səhhətinin ağır olduğunu deyib:

"Arif Quliyevin vəziyyəti ağırdır. Süni tənəffüs aparatına qoşulub. Mövcud parametləri qənaətbəxş deyil. Lazım olan hər şeyi edirik. İntensiv müalicə davam edir. Xəstənin vəziyyəti ciddi-kritikdir".

Qeyd edək ki, Arif Quliyev xəstəxananın reanimasiya şöbəsinə yerləşdirilib.