Dinlərarası dialoqla bağlı beynəlxalq konfrans

Noyabrın 14-də Parisdə “Dinlərarası anlaşma: birgəyaşayışın modelləri”, noyabrın 15-də isə Strasburqda “Milli-mədəni müxtəliflikdə konfessiyalararası dialoq: multikultural modellər” mövzularında beynəlxalq konfranslar keçiriləcək.

Teleqraf.com-a Milli Məclisin mətbuat xidmətindən verilən məlumata görə, Dini Qurumlarla İş üzrə Dövlət Komitəsinin UNESCO ilə birgə təşkil edəcəyi bu konfranslarda müxtəlif ölkələrdən din azadlığı, tolerantlıq və dövlət-din münasibətləri üzrə ekspertlər, ictimaiyyət nümayəndələri, beynəlxalq QHT-lərin rəhbərləri, ölkəmizin Fransadakı səfirliyinin, UNESCO və Avropa Şurası yanında nümayəndəliklərinin təmsilçiləri iştirak edəcəklər.

Milli Məclisin deputatları Sahibə Qafarova və Yevda Abramov konfranslara qatılacaqlar.