Harda gecələyim bəs, ayrılığın ucundan – Günün şeiri

Bu gün şair-yazıçı Qurban Yaquboğlunun doğum gündür.

Teleqraf.com redaktorumuz Qurban Yaquboğlunu təbrik edir və onun “Məktub” şeirini təqdim edir:

Əllərim də çatmır ki,
Öpsün qara saçından.
Harda gecələyim bəs
Ayrılığın ucundan.

Ağrılı ahlar kimi
Günlər axır irəli.
Səndən məktublar gəlir,
Atmamısan, deməli.

Ora yağsa qar-yağış
Neynərəm sözlərimlə.
Baxaram uzaqlara
Kədərli gözlərimlə.

Neynəyərəm görəsən,
Dilin desə sevmirəm.
Bu sevgidi,
Sevgidə
Unudulan bədbəxtdi,
Unudanı bilmirəm...