21 Mart 20:57
2 896

Azərbaycan Maarifçi Gənclər Təşkilatı Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Folklor oyunlarımızı yaşadaq" adlı layihənin icrasına başlanılıb.

Teleqraf.com xəbər verir ki, layihənin əsas məqsədi Azərbaycanda yaşayan uşaqlarala bərabər xaricdə yaşayan azərbaycanlı uşaqların da milli folklor oyunlarımızı yaddan çıxarmamasıdır.

Layihə çərçivəsində "Məktəbli oyunları" adlı kitab nəşr olunub. Kitabda folklor uşaq oyunlarımız bir yerdə cəmlənib.

Almaniyanın paytaxtı Berlin şəhərində fəaliyyət göstərən "Azərbaycan dili" kurslarında kitabın təqdimatı təşkil edilib.

Tədbiri "Xarı Bülbül Cəmiyyəti"nin sədri, Almaniya Azərbaycan Alyansının sədr müavini Sevda Badaliouri açıq elan edib. Azərbaycan Maarifçi Gənclər Təşkilatının sədri Mərziyyə Aslan çıxış edərək tədbirə maliyyə və texniki dəstək göstərən hər kəsə təşəkkür edib. Bundan əlavə Almaniyada yaşayan azərbaycanlı uşqlar üçün bu kitabın folklor oyunlarının təbliğinə töhfə verəcəyinə ümid etdiyini bildirib.

Tədbir Azərbaycan dili kursunun tələbələrinin çıxışları ilə davam edib. Onlar "Bənövşə" oyununu, "Tık-tlk xanım" nağlından qurduqları səhnəciyi nümayiş etdirərək şeir deyib və mahnılar oxuyublar.

Daha sonra bütün iştirakçılarla bərabər "Qarabağ" mahnısı böyük coşqu ilə ifa edilib. Son olaraq iştirakçılara "Məktəbli oyunları" kitabı hədiyyə edilib.

Müəllif: Teleqraf.com