Ən yaxşı film nominasiyasında "Oskar" mükafatının qalibi açıqlandı

Rejissor Şan Heyderin "CODA" filmi "Ən yaxşı film" nominasiyası üzrə "Oskar" mükafatına layiq görülüb.

Teleqraf.com xəbər verir ki, komik drama janrında çəkilən filmdə ailədə yeganə eşitmə qabiliyyətinə malik yeniyetmə qızın talehindən bəhs edilir.

Eyni zamanda ən yaxşı film adı uğrunda Ceyn Kempionun "Köpəyin gücü", Markus Qrinin "Kral Riçard", Deni Vilnyovun "Dune", Pol Tomas Anderssonun "Lakrik pizza", Stiven Spilberqin "Vest Sayd hekayəsi", yaponiyalı rejissor Ryusuke Xamaqutinin "Avtomobilimin sükanı arxasına əyləş", Adam Makkeyin "Yuxarı baxmayın", Gilyermo Del Toronun "Dəhşət xiyabanı" və Kennet Brananın "Belfast" filmləri mübarizə aparırdı.