“Ondan yaxşı ata yox idi..." - Nadir fotolar

“Ondan yaxşı ata yox idi... 100 yaşın mübarək!”

Teleqraf.com xəbər verir ki, bu sözləri kinoşünas Leyla Şabanova-Vəzirzadə feysbuk hesabında atası tanınmış rejissor Rüfət Şabanov haqda yazıb.

Qeyd edək ki, Rüfət Şabanov 22 iyun 1922-ci ildə anadan olub. 1945–1951-ci illərdə Azərbaycan Dövlət İncəsənət İnstitutunda təhsil alıb. 1951–1957-ci illərdə Rus Dram Teatrında, 1957–1967-ci illərdə “Azərbaycanfilm” kinostudiyasında işləyib. Rejissor kimi kinoda ilk müstəqil işi “Litfçi qız” filmində olub.

Onun çəkdiyi “Xidmət lifti” filmi Tbilisidə keçirilən kino festivalında ən yaxşı rejissor işinə görə priz və diploma layiq görülüb. 1967–1977-ci illərdə “Azərbaycantelefilm”in baş rejissoru olub.

Xalq artisti aktrisa Elmira Şabanovanın həyat yoldaşıdır.