"Allah onların səsini batırsın"

"Alim Qasımovun səsində heç bir problem yoxdur. Allah istəməyənlərin səsini batırsın".

Bu sözləri Teleqraf.com-a açıqlamasında Alim Qasımovun mətbuat katibi Səadət Möhübova sənətkarın səsinin batması ilə bağlı xəbərə münasibət bildirərkən deyib: "Alim Qasımovun səsində heç bir problem yoxdur. İnsan xəstə olanda bu, o demək deyil ki, səsi batıb. Soyuqdəyməsi var. Bildiyiniz kimi, Alim müəllim noyabr ayında dörd ölkədə müxtəlif səpkili konsertlər verdi. Ardınca Bakı konserti baş tutdu. İstər-istəməz yorulub, xəstələnib. Xəstələnəndə insanın halı olmur. Ola bilər ki, desin halım yoxdur, amma yazıblar ki, səsinə nəsə olub. Belə bir açıqlamanı mətbuata Alim müəllim verməyib. Öyrəşmişik bu cür yazılara. Bir daha deyirəm, Alim müəllimin səsi ilə bağlı hər şey yaxşıdır. Sabah Rain Sultanovla birgə səhnəyə çıxacaqlar. Allah istəməyənlərin səsini batırsın".

Qeyd edək ki, yayılan xəbərlərə görə, Alim Qasımov səs tellərində ciddi problem yarandığını bildirib:

"Həkimlər danışmağa belə icazə vermirlər".

Pərvin