“Netflix” kraliça II Elizabetdən bəhs edən serialın çəkilişlərini dayandırdı

“Netflix” platforması Britaniya kral ailəsindən bəhs edən “Tac" (The Crown) serialının çəkilişlərini dayandırıb.

Teleqraf.com xarici KİV-ə istinadən xəbər verir ki, kraliça Elizabetin ölümüylə əlaqədar serial elə həmin gün çəkilişləri dayandırıb.

“Netflix” sözçüsü bildirib ki, kraliçanın dəfn günü yəni sentyabrın 19-da da çəkilişlər olmayacaq.

Hələ tacına sahib olmayan kraliça II Elizabetin 1947-ci ildə Şahzadə Filiplə evlənməsi ilə başlayan serialda kral ailəsinin həyatında baş verən mühüm dönüş nöqtələri və onların İngiltərənin siyasi və ictimai həyatına təsirləri əksini tapır.

Qeyd edək ki, serialın beşinci mövsümünün noyabrda yayımlanması planlaşdırılır.

İndiyədək serial və yaradıcı heyəti dəfələrlə nüfuzlu televiziya mükafatı olan - Emmi mükafatına layiq görülüblər.