Bəstəkarın yaradıcılıq gecəsi keçiriləcək

Yanvarın 29-da Müslüm Maqomayev adına Azərbaycan Dövlət Filarmoniyasında görkəmli bəstəkar, xalq artisti, professor Musa Mirzəyevin yaradıcılıq gecəsi keçiriləcək.

Teleqraf.com xəbər verir ki, gecədə geniş intellektə, zəngin dünyagörüşünə malik sənətkarın həyat və yaradıcılığından söz açılacaq.

Onun dünya şöhrətli bəstəkarımız Qara Qarayevin yetirməsi kimi zəngin istedad sahibi olduğu, bir sıra simfoniya, kamera-instrumental və kamera-vokal əsərlərin müəllifi kimi tanındığı diqqətə çatdırılacaq.

Tədbirdə Ü.Hacıbəyov adına Azərbaycan Dövlət Simfonik Orkestrinin ifasında bəstəkarın əsərlərindən nümunələr səsləndiriləcək.