""Cənnət yuxusu"nda gəzirik" - Gülzar Qurbanova müjdəni verdi

Əməkdar incəsənət xadimi Elxan Cəfərov yeni film çəkir.

Teleqraf.com xəbər verir ki, bu barədə rejissorun həyat yoldaşı, aktrisa Gülzar Qurbanova sosial şəbəkədə məlumat verib.

""Cənnət yuxusu"nda gəzirik. Zərif səhər günəşinin şüaları altında ətirli narıncı xurma ağacları səmaya uzanır, meşələr öz dilində pıçıldayır, qızılı yarpaqlar, yaş torpaq qoxusu sanki cənnət uzaqda deyil, həm də içimizdə olduğunu xatırladırdı.

Hər nəfəs dua kimi idi. Ətrafımızdakı hər şey, incə birlik ipləri ilə bağlanıb, bizə daha böyük bir şeyin Azərbaycan mədəniyyətinin bir parçası olduğumuzu xatırladırdı.

Yəqin, xoşbəxtliyin sadə şeylərdə olduğunu başa düşmək budur".