Sehrkar səs sahibinin 100 illiyi qeyd olunub

Aprelin 21-də Nizami rayon Mərkəzi Kitabxana Sistemində (MKS) rayonun 272 nömrəli orta məktəbi ilə birlikdə dünya şöhrətli müğənni, xalq artisti Rəşid Behbudovun anadan olmasının 100 illiyi münasibətilə “Sehrkar səs sahibi” adlı musiqili ədəbi-bədii gecə keçirilib.

Görkəmli müğənninin fəaliyyətini əks etdirən sərgi açılıb, R.Behbudovun yaradıcılığını əks etdirən videoçarx nümayiş etdirilib.

Tədbirdə sənətkarın həyat və yaradıcılığından, onun Azərbaycan musiqi mədəniyyətinə bəxş etdiyi bənzərsiz sənət incilərindən söz açılıb.

Gecədə 272 nömrəli orta məktəbin şagirdlərinin ifasında vaxtilə müğənninin ifa etdiyi, bu gün də dillər əzbəri olan mahnıları səsləndirilib.

Tədbir R.Behbudovun ifasında səslənən “Tələsin insanlar” mahnısı ilə sona çatıb.