Rəqqaslarımız İtaliyada “Naz eləmə” oynayacaq

Dövlət və Rəqs Ansamblı iyulun 4-də İtaliyada konsert proqramı ilə çıxış edəcək.

Bu barədə Publika.az-a ansamblın baletmeysteri, tanınmış rəqqasə Təranə Muradova məlumat verib: “Dövlət və Rəqs Ansamblı mütəmadi olaraq xarici ölkələrdə konsert proqramı ilə çıxış edir. Bu növbəti səfərimizdir. İtaliyada dörd konsert proqramı ilə çıxış edəcəyik. Əcnəbilər qarşısında milli rəqslərimizi nümayiş etdirəcəyik. Hər zaman olduğu kimi, bu dəfə də “Nəlbəki”, “Naz eləmə” və “Qavalı” rəqslərini təqdim etməyi planlaşdırmışıq. Məqsədimiz də qədim milli rəqslərimizi təbliğ etməkdir”.