Peyğəmbərin uşaqlığından bəhs edәn film çəkilib

Türkiyədə Məhəmməd peyğəmbərin uşaqlıq həyatından bəhs edən film yayıma çıxarılmazdan əvvəl çəkiliş qrupu tərəfindən izlənilib.

Teleqraf.com Türkiyə mətbuatına istinadən xəbər verir ki, iranlı rejissor və ssenarist Məcid Məcidinin çəkdiyi "Məhəmməd" filmi artıq hazırdır. İran və türk kino mütəxəssislərinin birgə ərsəyə gətirdikləri film "Əbraha ordusu" və "Fil" əhvalatları ilə başlayır. Filmin ümumi büdcəsi 30 milyon dollar hesablanıb.

Türkiyəli yazıçı İhsan Kabil filmdə bəzi yerlərdə animasiya səhnələrindən istifadə edildiyini qeyd edib. Filmdə "Peyğəmbər"in yalnız arxadan çəkildiyini bildirən yazıçı, gecə və gündüz səhnələrində Məkkə şəhərinin yer aldığını vurğulayıb. Peyğəmbərin 12 yaşınadək olan dövrünü əhatə edən filmin dünya premyerası avqustun 12-də 39-cu Montreal Beynəlxalq Film Festivalında reallaşacaq.

Qeyd edək ki, filmin rejissoru Məcid Məcidi çəkdiyi bir sıra ekran əsərlərinə görə beynəlxalq festivalların laureatı olub.

Rüstəm