Tünzalə Ağayeva efirdən uzaqlaşır

Müğənni Tünzalə Ağayeva aparıcılıq etməsindən danışıb.

Müğənni Teleqraf.com-a bildirib ki, layihələri ilə əlaqədar bu il aparıcılıq etməyəcək: “Türkiyədə "TRT Müzik"də aparıcılıq etdim və o layihə bitdi . Gözəl layihə idi, amma vaxtımı çox apardığına görə dayandırmağa qərar verdim. Bakıdakı işlərimi çatdıra bilmirdim. Xarici ölkələrə səfərlərim, dövlət və ictimai layihələrim var. Buna görə də Azərbaycan telekanallarında da yaxın zaman üçün aparıcılıq etməyi düşünmürəm”.

Yaradıcılığından danışan müğənni onu da qeyd etdi ki, yeni mahnılarını yaxın günlərdə təqdim edəcək: “Suranın sözlərinə yazılmış yeni mahnımı təqdim etdim. Yeni layihələrimi isə sentyabrda təqdim edəcəm”.

Rəqsanə Həsənova