“Angry Birds” cizgi filmi olacaq - FOTO

Sony Pictures və Rovio Entertainment "Angry Birds" cizgi filmindən ilk kadrları təqdim edib.

Teleqraf.com Rusiya mətbuatına istinadən xəbər verir ki, cizgi filmi quşlar və donuzlar arasında münaqişənin necə başlamasından bəhs edir. Ssenarini "Simpsonlar"ın müəlliflərindən biri olan Con Vitti yazıb. Cizgi filmini ənənəyə uyğun olaraq - Piter Dinkleyc, Ceyson Sudeykis, Coş Qad, Keyt MakKinnon, Bill Heyder və Denni MakBrayd kimi Hollivud ulduzları səsləndirəcəklər.

Cizgi filmi gələn il mayın 20-dən etibarən ekranlara çıxacaq.

Qeyd edək ki, "Angry Birds" oyunu 2009-cu ildə çıxdı və sürətlə populyarlıq qazandı. Bu il iyul ayının sonunda isə oyununun ikinci hissəsi işıq üzü gördü.

Rüstəm