Ramiz Əzizbəyli: “Sağalsam, film çəkəcəyəm”

"ATV"də yayımlanan "Onlar" verilişinin çəkiliş heyəti xalq artisti Ramiz Əzizbəylinin evində qonaq olub.

Musavat.com xəbər verir ki, beynin işemik insultu xəstəliyindən əziyyət çəkən xalq artisti səhhətindən söhbət açıb: "Həmkarlarıma minnətdaram. Mənə baş çəkən çoxdu, yoruluram. Xəstəyəm, məni çox danışdırmayın, dilim topuq vurur".

Sənətindən bəhs edən xalq artisti daha sonra əlavə edib: "Heç vaxt rolun böyük-kiçikliyinə baxmamışam. Hansı rolu versələr, oynamışam. Axırıncı sözüm budur ki, mənim silahım səmimiyyətimdir. Mənim qatarım gedib. Sağlıq olsun. Sağalsam, film çəkəcəyəm".

Qeyd edək ki, R. Əzizbəyli fevralın 21-də yaşadığı binanın qarşısında keçirdiyi avtomobil qəzasından sonra beyin insultu diaqnozu ilə Azərbaycan Tibb Universitetinin Tədris-Terapevtik Klinikasına yerləşdirilmişdi. O, daha sonra müalicəsini Mərkəzi Gömrük Hospitalında davam etdirirdi.