Türk filmi Fransada dörd mükafat aldı - “Mustang”

Parisdə keçirilən 41-ci "Cesars" kino müsabiqəsində Deniz Gamze Ergüvenin "Mustang" filmi dörd mükafat qazanıb.

"Mustang" Türkiyənin ucqar şimal əyalətlərində yaşayan beş bacıdan bəhs edir. Bacılar mühafizəkar ənənələrdən çıxmağa çalışırlar.

Ergüvenin ekran əsəri ən yaxşı debüt film, ən orijinal ssenari, ən orijinal musiqi və ən yaxşı montaj nominasiyaları üzrə qalib olub. Bu film həm də Oscar mükafatına namizəddir. "Mustang" ötən il Sarayevo Film Festivalında da qaliblər arasında idi.

37 yaşlı rejissor Ergüven Türkiyədə doğulub, Fransada böyüyüb.

oxuzali.az