Tanınmış aktyor dünyasını dəyişdi

Tanınmış aktyor və rejissor Arif Qasımov dünyasını dəyişib.

Bu barədə ölkə.az-a aktyorun qızı Nigar Qasımova məlumat verib. N.Qasımovanın sözlərinə görə, atasının halı qəflətən pisləşib və o, komaya düşüb. Həkimlərin cəhdinə baxmayaraq, onun həyatını xilas etmək mümkün olmayıb.

Arif Qasımov yaradıcılığı ərzində irili-xırdalı 38 filmə çəkilib, uzun müddət AzTV-də rejissor kimi çalışıb.