Qadın voleybolçularımız rumınlar üzərində qələbə qazandı: 3-1 - YENİLƏNİB

Qızlardan ibarət voleybol üzrə milli komandamız Rumıniya seçməsinə qalib gələrək I Avropa Oyunlarında ilk qələbəsini qazandı.

Azərbaycan – Rumıniya - 3:1 (25:20, 25:18, 27:29, 25:15)

17:05

“Bakı-2015” Birinci Avropa Oyunlarında qadınlar arasında voleybol oyunlarına start verilib.

Teleqraf.com xəbər verir ki, günün ən gözlənilən qarşılaşması olan Azərbaycan və Rumıniya yığmaları arasında görüş başlayır. Oyunun birinci hakimi Slovaniyadan olan Miklosik Sanja, ikinci hakimi isə Belrusdan olan Piasetski Aleksandrdır. Azərbaycan yığmasının baş məşqçisi Aleksand Çervyakov, Rumıniya komandasında isə Quillermo Qallardodur.

İlk hissədə Azərbaycan yığması qalib gəldi: 25-20

İkinci setin birinci texniki fasiləsinə də Azərbaycan üstün yollandı: 8-4. Qadın voleybolçularımız ikinci texniki fasiləyə 16:10 hesabı ilə üstün ayrılıblar. Azərbaycan komandası ikinci hissəni də öz xeyrinə başa vurub: 25-18.

Üçüncü setdə Rumıniya voleybolçuları qələbə qazandı. Gərgin keçən qarşılaşmada 29-27 oldu.

Azərbaycan voleybolçuları dördüncü setə fəal başlayıb və ilk texniki fasiləyə 8-1 hesabı ilə üstün yollanıb. Qadın voleybolçularımız rumınlar üzərində qələbə qazandı: 25-15

Günün 3-cü qarşılaşması Almaniyanın qadınlardan ibarət yığma komandası ilə Bolqarıstan kollektivi arasında keçirilib.

İlk setdən sonra hesab almanların xeyrinə olub: 25-22

İkinci setdə üstünlüyü ələ keçirən bolqarlar hesaba tarazlıq gətirib: 26-24. Oyunun üçüncü seti də Bolqarıstan milli komandasının qalibiyyəti ilə nəticələnib. Bu hissədə bolqarlar alman xanımlara göz açmağa imkan vermədi: 25-10

Oyunun 4-cü setinin qalibi Almaniya komandası olub. Almanlar 28-26 hesabı ilə qələbə qazanıb. 5-ci həlledici setdə də Almaniya yığması qalib gəlib: 15-10

İkinci oyunda İtaliyanın qadınlardan ibarət voleybol komandası Belçika kollektivi ilə qarşılaşıb.

Oyunu rusiyalı hakimlər briqadası idarə edib.

Oyunun ilk setinin qalibi italyan xanımlar oldu. Gərgin keçən hissə 25-22 hesabı ilə başa çatdı. İkinci setdə də İtaliya komandası Belçikadan üstün olub: 25-20

Italiya milli komandası üçüncü setdə də əzimkar mübarizə apararaq, oyunu qələbə ilə başa vurub: 25:20

Serblər xorvatları peşman etdi: 3-0

A qrupunda mübarizə aparan Serbiya və Xorvatiya komandaları arasında keçirilib. Birinci hissədə xorvatlar 25-15 hesabla üstünlük əldə edib.

İkinci setdə də serblər xorvatlar üzərində inamlı qələbə qazanıb: 25-17

Serbiya yığması 3-cü seti də öz xeyirlərinə başa vuraraq, oyunun qalibi olub: 25-17

Keçiriləcək digər oyunların vaxtı:

Saat 16:30-da Azərbaycan – Ruminya

Saat 20:00-da Hollandiya – Rusiya

Saat 22:00-da Polşa – Türkiyə