Bakıda qadın komandaların stolüstü tennis üzrə yarışları başlayıb - FOTO/YENİLƏNİB

Qadın komandaları arasında stolüstü tennis yarışının birinci dövrəsinə yekun vurulub.

Yarışın birinci gününün yekunlarına əsasən, iyunun 14-də keçiriləcək dörddəbir final mərhələsində Fransa, Almaniya, Rusiya və Çexiya milli komandalarından əlavə, Serbiyanı 3:0 hesabı ilə məğlub Hollandiya, Lüksemburqa 3:1 hesabı ilə qalib gələn Polşa və eyni hesabla müvafiq olaraq Serbiya və Belarusu məğlub edən İsveç və Ukrayna yığmaları medallar uğrunda mübarizəni davam etdirəcək.

Dörddəbir finalda Almaniya-Rusiya, Fransa-Çexiya, Ukrayna-İsveç və Polşa-Niderland komandaları qarşılaşacaq.

11.00

Bakı İdman Arenasında Avropa Oyunları çərçivəsimdə keçirilən stolüstü tennis yarışları start götürüb.

Teleqraf.com xəbər verir ki, ilk yarış günündə bir neçə oyun baş tutacaq. Hazırda komanda yarışlarında Azərbaycan-Fransa, Almaniya-Macarıstan, Portuqaliya-Rusiya, Çexiya və Avstriya komandaları mübarizə aparır.

Komanda yarışlarında Fransa ilə qarşılaşan millimiz birinci raundu məğlub başa vurub. Li Xue 3-0 hesabı ilə Rüfət Quliyevaya qalib gəlib.

Hazırda Məryəm İmanova Carole Grundischlə mübarizə aparır.

İkinci raundda da komandamız məğlub oldu. Grundisch 3-0 hesabı ilə Məryəm İmanovaya qalib gəldi.

Üçüncü görüşdə cütlüklərin yarışında Xian Yifanq, Li Xue cütlüyü Şərmin Şirinova və Rüfət Quliyevaya 3-0 hesabı ilə qalib gəldi.

Beləliklə, Fransa millisi Azərbaycan komandasına ümumi hesabda 3-0 heсabı ilə qalib gəldi.

İkinci görüş Almaniya və Macarıstan arasında keçirildi. Yarışın favoritlərindən sayılan Almaniya millisi Macarıstanı 3-0 hesabı ilə məğlub etdi.

Portuqaliya ilə Rusiya komandaları arasında gedən mübarizə 3-1 hesabı ilə Rusiyanın xeyrinə başa çatıb. Çexiya və Avstriya yığmaları arasındakı görüşdə isə çexlər 3:1 hesabı ilə qələbə qazanıblar.

09.25

Bu gün I Avropa Oyunları çərçivəsində qadınlar arasında stolüstü tennis üzrə komanda yarışlarının birinci mərhələsi başlayıb.

Birinci mərhələdə 8 oyun keçiriləcək: Almaniya-Macarıstan, Portuqaliya-Rusiya, Fransa-Azərbaycan, Çexiya-Avstriya, Ukrayna-Belarus, İsveç-Rumıniya, Polşa-Lüksemburq, Serbiya-Hollandiya.

Azərbaycan komandasının tərkibində Quliyev Rüfət (25 yaş), Şirinova Nərmin (16 yaş) və İmanova Məryəm (17 yaş) çıxış edəcək.

Stolüstü tennis üzrə komanda yarışlarının birinci mərhələsinin qalibləri iyunun 14-də keçiriləcək dörddə bir final mərhələsinə adlayacaq.

Stolüstü tennis üzrə yarışlar Bakı İdman Sarayında keçirilir.