Voleybol: İtalyanlar alman maşınına məğlub oldu- YENİLƏNİB

"Bakı 2015" Birinci Avropa Oyunlarının 9-cu günündə kişilər arasında voleybol yarışları baş tutub.

Teleqraf.com xəbər verir ki, günün son qarşılaşması Almaniya və İtaliya kollektivləri arasında keçirilib. Birinci setdə almanlar 25-18 hesabı ilə qalib gəlib. İkinci hissənin də qalibi Almaniya yığma komandası olub: 25-22. Üçüncü setdə italyanlar məğlub olub: 25-27.

Polşa 3-0 Azərbaycan

Polşa - Azərbaycan kollektivləri arasında növbəti oyun başlayıb. Görüş saat 20:00-da start götürüb. A qrupunda yer alan Bülənt Karslıoğlunun yetirmələri birinci setdə qrupun lideri Polşaya qarşı mübarizədən məğlub ayrılıb. Polşalılar 25-14 hesabı ilə qalib olub. Keçirdiyi ilk 3 matçın hamısında məğlub olan voleybolçularımız ilk dördlüyə düşmək üçün gücünü ortaya qoymalıdır. Lakin yığmamız ikinci setdə də 13-25 hesabla rəqibinə uduzub. Üçüncü set də polşalıların üstünlüyü ilə başa çatıb. Son hissəni 25-17 hesabı ilə qalib başa vuran Polşa oyunun qalibi olub: 3-0.

Rusiya 1-3 Bolqarıstan

Birinci set 25-22 hesabı ilə bolqarların xeyrinə başa çatıb. İkinci seti daha yaxşı oynayan ruslar 25-18 qalib gələrək ümumi hesabı 1-1 edib. Üçüncü setdə üstünlüyü ələ alan Bolqarıstan 25-23 hesabı ilə qalib gəlib. Dördüncü seti də 25-17 hesabı ilə qalib başa vuran Bolqarıstan oyunun qalibi oldu: 3-1.

Serbiya 3-0 Finlandiya

Serbiya komandası Finlandiya ilə qarşılaşır. İlk hissədə 25-16 hesabı ilə serblər üstün olub. İkinci setdə də Serbiya kollektivi üstünlük əldə edib: 28-26. Üçüncü hissə həlledici olub. Beləki sebrlər bu setdə 25-20 hesabı ilə qalib gələrək, ümumi oyunu qələbə ilə başa vurub: 3-0.

Slovakiya 3-1 Belçika

Slovakiya və Belçika komandaları qarşılaşıb. İlk hissədə Slovakiya 25-22 hesabı ilə qələbə qazanıb. İkinci setdə Belçika kollektivi üstün olub: 25-19. Üçüncü setdə Slovakiya komandası yenidən hesabda önə çıxıb: 25-21. Dördüncü hissə həlledici olub. Belə ki, bu setdə də slovaklar qalib gələrək, oyunu qələbə ilə başa vurub: 25-19.

Hollandiya 3-0 Türkiyə

Günün ilk qarşılaşmasında "A" qrupunda qərarlaşan Türkiyə və Hollandiya komandaları üz-üzə gəlib. İlk hissədə Türkiyə komandası məğlub olub: 25-23. İkinci setdə də Hollandiya kollektivi qələbə qazanıb: 25-19. Üçüncü hissədə qalibiyyətə sevinən hollandlar ümumi oyunu qələbə ilə başa vurub: 25-16.