Ukraynalı qalib: Bakıdakı Milli Gimnastika Arenası möhtəşəmdir

Bakıda keçirilən birinci Avropa Oyunlarında iki qızıl medal qazanan ukraynalı gimnast Oleq Vernyayev www.unian.net idman portalına müsahibəsində yarışların təşkili və gedişi haqqında təəssüratlarını bölüşüb.

O, Bakıdakı Milli Gimnastika Arenası haqqında xüsusi olaraq danışıb: “Zal möhtəşəm idi. Bu zalın üstünlüyü təkcə onun bütün texniki parametrlərə cavab verməsi və idmançılar üçün rahatlığı ilə məhdudlaşmır. Gimnastika Arenası ən son texnologiya və tələblər əsasında tikilib. Bu qurğu çoxprofilli deyil, yalnız gimnastika üçün nəzərdə tutulub. Yarışlardan əlavə vaxtda orada məşqlər keçirilir. Bir sözlə, Avropa Oyunlarında məşqlər və yarışlar üçün bütün zəruri şərait yaradılıb”.