Generalın oğlunu qətlə yetirmiş qorxunc cinayətkar yaxalandı - İLK FOTO

Türkiyədə həftələrdir haqqında danışılan silsilə qatillər törətmiş Atalay Filiz nəhayət, yaxalanıb.

Teleqraf.com Türkiyə mediasına istinadla xəbər verir ki, ələkeçməz cinayətkar İzmirdə tutulub. Qorxunc qatili tanıyan bir sərnişin onu avtobusda görüb və polisə xəbər verib.

Bu il mayın 27-də Tuzlada müəllimə Fatma Kayıkçını, 2013-cü ildə general Həsən Hüseyn Dəmiraslanın oğlu Gögtuğ Dəmirarsalanı, bundan başqa rus sevgilisi Olqa Sergeyevnanı və onun rəfiqəsi Yelena Radçikovanı qətlə yetirmiş Atalay Filizi heç cür yaxalmaq mümkün deyildi. O, 3 il idi saxta şəxsiyyət vəsiqəsi ilə gizlənir, ondan şübhələnən insanları öldürürdü.

Mahir