Flippində kanadalı girov edam edildi

Flippində "Abu Sayyaf" qrupunun silahlıları Kanada vətəndaşı Robert Hallı bir neçə ay girov qismində saxladıqdan sonra edam ediblər.

Teleqraf.com BBC-yə istinadən xəbər verir ki, Hall başı kəsilməklə edam olunub. Bir müddətdən sonra onun ölüm xəbərini Kanada Xarici İşlər Nazirliyi təsdiqləyib.

Bazar ertəsi islamçı ekstremistlər tərəfindən girovun azad olunması üçün 6,5 milyon dollar məbləğində rüsumun ödənilməsinə ayrılmış vaxt möhləti bitib.

Robert Hall sentyabr ayında Filippində tutulan kanadalıların sayca ikinci qurbanı olub.

Aprel ayının sonunda ekstremistlər tərəfindən kanadalı Con Ridsdel öldürülmüşdü. "Abu Sayyaf" qrupu Əl-Qaidə qrupu ilə əlaqəlidir və Filippinin cənub hissəsində fəaliyyət göstərir.