"Bu, arzuladığımız ssenari deyildir" - Donald Tusk

İttifaqa üzv ölkələrin liderləri Brüsseldə bir araya gəlib. Teleqraf.com xəbər verir ki, İngiltərə Baş naziri Devid Kemeron referendumun nəticəsinə görə ölkəsinin qurumdan ayrılacağını təəssüflə qeyd edib.

Avropa İttifaqı Şurasının sədri Donald Tusk da məsələnin tezliklə həllinin tərəfdarıdır: “Əlbəttə, mən bunu istəməzdim. Bu arzuladığımız ssenari deyildir”.

Prosesin tezləşdirilməsinə Fransa prezidenti Fransua Olland da tərəfdardır.

Qeyd edək ki, İngiltərənin Avropa İttifaqından ayrılması üçün qurum sazişinin 50-ci maddəsi qüvvəyə minməli və rəsmi olaraq referendum nəticəsi açıqlanmalıdır. İngiltərənin çıxış müddətini başlayacaq Lissabon sazişinin 50-ci maddəsinin yeni Baş nazirin təyinatınadək gündəmdə saxlanılması gözlənilmir. Avropalı rəsmilər sözügedən maddənin tezliklə icrasını istəyirlər. Çünki yalnız bundan sonra 2 il vaxt aparması gözlənilən çıxış prosesinə başlanılacaq.