ABŞ hərbi bazasındakı həyəcanla bağlı rəsmi - AÇIQLAMA

20:00

ABŞ-da hərbi bazaya edilən hücumla bağlı rəsmi açıqlama yayılıb.

Teleqraf.com-un məlumatına görə, açıqlamaad qeyd olunur ki, bazaya heç bir silahlı hücum olmayıb: "Həyəcan siqnalı səhvən verilib və avtomatik olaraq bazaya giriş-çıxış bağlanılıb".

18:35

ABŞ-ın Marlyand şəhərindəki "Andrews" hərbi hava bazasına silahlı hücum edildiyi məlumatı yayılıb.

Teleqraf.com xarici mediaya istiandla xəbər verir ki, hərbi baza Ağ Evin yaxınlığında yerləşir.

Röyters-in məlumatına görə, hərbi baza əməkdaşlarına sığınacaqdan çıxmamaq tapşırılıb. Giriş-çıxış qapadılıb. ABŞ Müdafiə Nazirliyi əvvəlcə xəbəri təsdiqləsə də sonradan verilən həyəcan siqnalının xəta olduğunu açıqlayıb.

ABŞ prezidenti Barak Obamanın "Air Force One" təyyarəsinin ciddi mühafizə olunan bu hərbi bazada saxlanıldığı bildirilir.

Mahir