Türkiyə HHQ-nin rəhbəri girovluqdan azad edildi

Qiyamçılar tərəfindən girov götürülmüş Türkiyə Hərbi Hava Qüvvələrinin (HHQ) rəhbəri, ordu generalı Abidin Ünal azad edilib.

Teleqraf.com-un Türkiyə KİV-ə istinadən xəbərinə görə, generalın azad edilməsi üçün xüsusi əməliyyat keçirilib.

Qeyd edək ki, ötən gecə Türkiyədə hərbi çevrilişə cəhd olub. Hadisə nəticəsində ümumilikdə 265 nəfər həlak olub. Onlardan 161 nəfəri hərbi çevrilişə cəhdin qarşısı alınarkən həlak olub, ölənlərdən 104-ü isə qiyamçı hərbçidir, 1500-dən çox yaralı var. Hərbi çevrilişə cəhdə görə saxlanılanların sayı 2839 nəfərə çatıb. Türkiyədə hakimiyyətə təslim olan hərbçilərin sayının isə 700 nəfər olduğu bildirilir.