Nigeriyada daha 60 qız qaçırıldı

Nigeriyanın şimal-şərqində daha 60 gənc qadın və qız oğurlanıb.

ANS PRESS-in məlumatına görə, bu haqda yerli mətbuat xəbər yayıb. Ötən gün təxminən 20 nəfərin "Boko Haram" qruplaşmasının döyüşçüləri tərəfindən oğurlanması bildirilirdisə, bu gün bu rəqəmin 60 olduğu qeyd olunur.

Nigeriyada olan BBC müxbirinin sözlərinə görə, oğurlananlarla bağlı dəqiq rəqəmlər təyin etmək çətindir, çünki yerli sakinlər və məmurlar bu haqda danışmağa qorxurlar.

Qızlar silahlı insanların Bor ştatındakı kəndlərə hücumu zamanı oğurlanıb.

Apreldə bu ştatın Çibok şəhərində 200-dən çox məktəbli qız ekstremistlər tərəfindən qaçırılmışdı.

Yerli sakinlər Nigeriya hökumətindən əsirlərin axtarılması və azad edilməsi üçün böyük səylər tələb edir.