Türkiyə Silahlı Qüvvələri qiyamçılarla bağlı son rəqəmləri açıqladı

"Hərbi çevrilişə cəhddə iştirak edən hərbçilərin sayı 8651 nəfərdir".

Teleqraf.com "Hürriyət" qəzetinə istinadən xəbər verir ki, bu məlumat Türkiyə Silahlı Qüvvələrinin hesabatında deyilir:

"İyulun 15-də gerçəkləşidirilən çevrilişə cəhddə iştirak edənlərdən 1214 nəfəri tələbə olub. Bu hadisələrdə iştirak edən 8651 nəfər Türkiyə Silahlı Qüvvələrinin tam heyətinin 1,5 faizi deməkdir.

Qiyamçılar 35 təyyarə, 74 tank, 3 gəmi, 37 helikopter və 246 zirehli avtomobildən istifadə ediblər".

Qeyd edək ki, məlum hadisələr zamanı 249 nəfər şəhid olub, 1600 nəfər yaralanıb.

Samir