Dəniz Baykalı izləyən polislər həbs edildi

Türkiyə Cümhuriyyət Xalq Partiyasının (CHP) sabiq lideri Dəniz Baykalı izləməkdə və qanunsuz dinləməkdə ittiham olunan 36 polis həbs edilib.

Teleqraf.com “Anadolu” agentliyinə istinadən xəbər verir ki, saxlanılanların Fətullah Gülənin tərəfdarları olduğu bildirilir.

Qeyd edək ki, 2010-cu ilin mayında “Vakit” qəzetinin internet saytında intim səhnənin əks olunduğu videoçarx yayımlanıb. Qəzet videoda görüntüsü olan şəxslərin CHP lideri Dəniz Baykal və bu partiyadan olan millət vəkili Nəsrin Baytok olduğunu iddia edib. Bu hadisədən sonra Dəniz Baykal vəzifəsindən istefa verib.