Avropa Birliyi Londondan 25 milyard istəyir?

Brüssel qərara gəlib ki, London çoxmilyardlı borclarına görə Avropa İttifaqı (Aİ) ilə üzülüşməyənə qədər Böyük Britaniyanın Aİ-dən çıxmasına yaşıl işıq yandırmayacaq.

Teleqraf.com Azərtac-a istinadən bildirir ki, vəziyyətlə tanış olan, lakin adının çəkilməsini istəməyən yüksək vəzifəli Aİ nümayəndəsi bu barədə Almaniyanın “Wirtschaftswoche” nəşrinə söyləyib.

Nəşrin müsahibi məsələyə aydınlıq gətirərək deyib ki, ödəmənin məbləğinə gəlincə, söhbət təxminən 25 milyard avrodan gedir. Brüsseldə bu fikirdədirlər ki, britaniyalılar öz öhdəliklərini nizama salmayana qədər Böyük Britaniya ilə razılaşma qeyri-mümkündür”.

İyunun 23-də keçirilən plebisitin yekunlarına görə, səsvermədə iştirak edən britaniyalıların 52 faizi “Brexit”ə səs verib. Böyük Britaniya Avropa İttifaqından 2019-cu ilin əvvəlində çıxmağı planlaşdırır. Böyük Britaniyanın yeni hökumətində Aİ ilə ticari sazişlər haqqında danışıqlara məsuliyyət daşıyan nazir Liam Foks “Sunday Times” qəzetinə müsahibəsində “Brexit”in təqribi tarixi kimi 2019-cu il yanvarın 1-ni göstərib.

Cavad