Türkiyədə terror: 8 şəhid, 10 yaralı

Türkiyənin Şırnak şəhərinin Uludərə qəsəbəsində terrorçuların hərbi avtomobilə hücumu nəticəsində 5 əsgər şəhid olub.

Teleqraf.com Türkiyə mediasına istinadla xəbər verir ki, daha sonra Şimali İraqdan Beytüşşebapa açılan atəş nəticəsində isə 3 əsgər həyatını itirib, 10 əsgər yaralanıb.

İlkin məlumata görə, terrorçuların yola basdırdıqları partlayıcı maddə oradan zirehli hərbi maşın keçəndə işə düşüb. Partlayışın ardınca hadisə baş verən bölgəyə xeyli sayda təcili tibbi yardım maşını və təhlükəsizlik xidmətləri gəlib. Şəhid və yaralılar müxtəlif xəstəxanalara aparılıb.

Yaralılarından bəzilərinin vəziyyətinin ağır olduğu bildirilir. Hadisəylə bağlı geniş əməliyyat tədbirləri görülür.

Sevinc