Bülənd Ecevitin xanımı ittihamlardan danışdı: “Hamıya məlumdur ki...”

Türkiyənin keçmiş baş naziri Bülənd Ecevitin həyat yoldaşı Rahşan Ecevit Fətullahçı Terror Təşkilatının (FETÖ) çevriliş cəhdindən sonra ortaya çıxmış iddialarla bağlı yazılı açıqlama verib.

Teleqraf.com-un Türkiyə mediasına istinadla verdiyi məlumata görə, açıqlamada deyilir:

"Son zamanlar Bülənd Ecevitlə bağlı ictimaiyyət arasında həqiqətdən uzaq söz-söhbət dolaşır. Bülənd Ecevitin təriqətçiliyə və dövlət daxilində qeyri-qanuni hər cür strukturlaşmaya qarşı olduğu hər kəsə məlum bir həqiqətdir".

Türkiyədə 15 iyul çevriliş cəhdinin FETÖ təşkilatı ilə əlaqələndirilməsindən sonra mediaya Fətullahçı camaatın müxtəlif dövlət rəhbərləri, o cümlədən Bülənd Ecevitlə isti münasibəti haqda məlumatlar çıxıb.

Mahir