Türkiyədə terror: 11 ölü, 78 yaralı - YENİLƏNİB

Cizrədə baş verən terror aktı nəticəsində şəhid olan polislərin sayı 11-ə çatıb.

Məlumatlara görə, 78 nəfər yaralanıb. Yaralılar yaxınlıqdakı xəstəxanalara çatdırılıb.

Saat 12:02

Türkiyənin Cizrə rayonundakı terror aktı ilə əlaqədar ilk rəsmi açıqlama yayımlanıb.

Teleqraf.com xarici mediaya istinadən xəbər verir ki, Türkiyənin səhiyyə naziri Rəcəb Akdağ hücum zamanı 8 polisin şəhid olduğunu deyib: "4-ü ağır 70 nəfər isə xəsarətlərlə xəstəxanya yerləşdirilib".

Saat 11:10

Türkiyənin Cizrə rayonunda baş vermiş terror aktı zamanı 9 polis şəhid olub, 2-si ağır olmaqla 64 nəfər yaralanıb.

Teleqraf.com xəbər verir ki, bununla bağlı Türkiyənin "Hüriyyət" qəzeti məlumat yayıb. Hücumun PKK terrorçuları tərəfindən törədildiyi bildirilib. Terrorçuların yaxalanması üçün bölgədə genişmiqyaslı əməliyyat başlanıb.

Saat 10:12

Xəbər verdiyimiz kimi, Türkiyənin Şırnak bölgəsinin Cizrə rayonunda polis məntəqəsi partladılıb.

Hadisə nəticəsində ilkin məlumatlara görə, 1 nəfər həlak olub, 25 nəfər yaralanıb.

Saat 09:12

Türkiyənin Şırnak bölgəsinin Cizrə rayonunda polis məntəqəsinə hücum olub.

Teleqraf.com xarici mediaya istinadən xəbər verir ki, hadisə bomba yüklü avtomobilin məntəqəyə yaxınlaşması zamanı baş verib.

Məlumatlara görə, partlayış nəticəsində məntəqə binası yararsız vəziyyətə düşüb, yaxınlıqdakı tikililərə ciddi ziyan dəyib. Hücumun hansı qruplaşma tərəfindən törədildiyi məlum deyil. Hadisə yerinə çox sayda təcili yardım və polis briqadası cəlb edilib. Araşdırmalar aparılır.

Samir