FETÖ-yə bağlı hakim yunanlardan sığınacaq istədi

Türkiyənin Fətullah Gülənə bağlı məhkəmə hakimi Yunanıstana qaçaraq ordan siyasi sığınacaq istəyib.

Teleqraf.com xəbər verir ki, Yunanıstanın Təhlükəsizlik Xidmətinin yaydığı xəbərə görə, 50 yaşlı hakim səhər saat 6:00-da altı suriyalı immiqrantı daşıyan qayıqla adanın Aya Eleni sahilinə gedib.

Sahil Təhlükəsizlik Xidmətinin əməkdaşları hakimi mərkəzi ofisə gətiriblər. Yunanıstanın səlahiyyətli şəxsləri onu ölkəyə qeyri-qanuni daxil olmaq ittihamı ilə prokurorluğa aparıblar.

Hakim sığınma tələbi istədiyi üçün paytaxt Afinaya gətiriləcək.

FETÖ-nün dövlət çevrilişinə cəhdindən sonra 2-si hərbçi olmaqla 8 nəfər Yunanıstana qaçıb.