Yaponiyada qasırğa 16 nəfərin həyatına son qoydu

Bu həftə Yaponiyanın şimal və şimal-şərq regionlarını vuran “Layonrok” qasırğasının qurbanlarının sayı 16 nəfərə çatıb.

APA-nın TASS agentliyinə istinadən verdiyi məlumata görə, qurbanların çoxu İvate əyalətinin İvaidzumi şəhərindəki köhnə evdə yaşayanlardır.

Həmin evdə xilasedicilər 9 cəsəd aşkarlayıb.

Bu arada Yaponiyanın şimal-qərbinə yeni tropik qasırğanın yaxınlaşdığı məlum olub. Meteoroloqlar qasırğanın sabah səhər Kyusyu adasına çatacağını proqnozlaşdırırlar.